ҚҰПИЯЛЫЛЫҚ ЖӘНЕ ДЕРБЕС ДЕРЕКТЕРДІ ҚОРҒАУ САЯСАТЫ

1. Жалпы ережелер
1.1. Осы Құпиялылық саясаты (бұдан әрі – «Саясат») «Shakarim 24» Қоғамдық қоры (бұдан әрі – «Қор») өзінің ресми веб-сайтында (бұдан әрі – «Сайт») пайдаланушылардың (бұдан әрі – «Пайдаланушы» немесе «Донор») дербес деректерін қалай жинайтынын, өңдейтінін және сақтайтынын айқындайды. 1.2. Сайтты пайдалану және қайырымдылық немесе жазылым (подписка) рәсімдеу арқылы Пайдаланушы осы Саясаттың шарттарымен толық келіседі және өз деректерін өңдеуге рұқсат береді.

2. Қандай деректер жиналады?
Қор Сайт арқылы келесі дербес деректерді жинай алады:
2.1. Пайдаланушы ұсынатын деректер: Аты-жөні, байланыс телефоны, электрондық пошта мекенжайы (e-mail) – қайырымдылық жасау, грантқа өтінім қалдыру немесе кері байланыс нысанын толтыру кезінде.
2.2. Техникалық деректер: IP-мекенжайы, браузер түрі, құрылғы туралы ақпарат, Сайтта өткізген уақыт және Cookie файлдары (Сайттың жұмысын жақсарту мақсатында автоматты түрде жиналады).
2.3. Төлем деректері: Банк карталарының толық деректері (нөмірі, CVV коды, жарамдылық мерзімі) Қордың сайтында сақталмайды және өңделмейді. Барлық төлем операциялары қауіпсіздік стандарттарына (PCI DSS) сай келетін серіктес төлем жүйелерінің (эквайринг) қорғалған парақшаларында жүзеге асырылады. Біз тек төлемнің сәтті өткені немесе өтпегені туралы статусты ғана аламыз.

3. Деректерді жинау мақсаты
Пайдаланушылардың дербес деректері келесі мақсаттарда пайдаланылады:
3.1. Қайырымдылық төлемдерін қабылдау, өңдеу және ай сайынғы рекурренттік жазылымдарды (подписка) басқару;
3.2. Білім грантына түскен өтінімдерді (анкеталарды) қарастыру және оқушылармен/ата-аналармен байланысу;
3.3. Донорларға қаражаттың жұмсалуы туралы есептерді, алғыс хаттар мен Қордың жаңалықтарын жіберу (электрондық пошта немесе мессенджерлер арқылы);
3.4. Сайттың жұмысын, дизайнын және ыңғайлылығын талдау және жақсарту.

4. Деректерді қорғау және үшінші тұлғаларға беру
4.1. Қор Пайдаланушылардың дербес деректерінің құпиялылығын қатаң сақтайды және оларды жоғалудан, рұқсатсыз қол жеткізуден немесе жария етуден қорғау үшін барлық қажетті ұйымдастырушылық және техникалық шараларды қабылдайды.
4.2. Қор Пайдаланушының деректерін үшінші тұлғаларға сатпайды немесе жалға бермейді.
4.3. Деректерді үшінші тұлғаларға беру тек мына жағдайларда ғана мүмкін:

• Қазақстан Республикасының заңнамасында көзделген талаптар бойынша (мысалы, құқық қорғау органдарының ресми сұрауы);
• Төлемдерді өңдеу мақсатында банктер мен төлем жүйелеріне (тек транзакцияны орындау үшін қажетті көлемде).

5. Пайдаланушының құқықтары
Пайдаланушы кез келген уақытта:
5.1. Өзінің дербес деректерін өзгертуді, жаңартуды немесе толықтай өшіруді талап етуге;
5.2. Ай сайынғы автоматты төлемдерден (жазылымнан) бас тартуға;
5.3. Қордың ақпараттық хаттарын (розсылка) алудан бас тартуға құқылы. Бұл әрекеттерді орындау үшін Пайдаланушы Қордың электрондық поштасына өтініш жаза алады.

6. Саясатқа өзгерістер енгізу
6.1. Қор осы Құпиялылық саясатына кез келген уақытта өзгерістер мен толықтырулар енгізуге құқылы.
6.2. Саясаттың жаңа редакциясы Сайтта жарияланған сәттен бастап күшіне енеді. Пайдаланушыларға Сайттағы өзгерістерді өз бетінше қадағалап отыру ұсынылады.

7. Кері байланыс және реквизиттер
Дербес деректерді өңдеуге немесе жазылымды тоқтатуға қатысты сұрақтарыңыз болса, бізбен байланысыңыз:
«Shakarim 24» қоғамдық қоры
БСН: 240540009664
Телефон / WhatsApp: +7 707 705 1050
Электрондық пошта: magzhan.karazhigit@gmail.com
Instagram: @of_shakarim24